Gastón Duprat eta Mariano Cohn zuzendariek beraien seigarren lan honetan, tragedia, satira eta komedia elkartu dituzte, lan original, entretenigarri, argi eta elkarrizketa zaindudun bat aurkeztuz.
Filmak, konponbiderik ez duela dirudien bizilagunen arteko gatazka bat kontatzen du. Bi etxe banatzen dituen horma soil batek bi mundu, bizitzeko bi modu bana ditzakeela erakutsiz.
Le Corbusier arkitekto suitzar ezagunak Hego Amerika osoan etxe bakar bat disenatu zuen. Leonardo (Rafael Spregelburd) disenatzaile prestigiodun bat eta bere familia bizi diren La Plata hiri Argentinarreko etxe dotorea.
Hormaren, beste aldean berriz, Victor (Daniel Aráoz), bigarren eskuko autoen saltzaile bat bizi da. Gatazka, Victorrek argi gehiago eduki ahal izateko lehio berri bat ireki nahi duenean hasiko da. Ordura arte ezagutzen ez ziren bi pertsonek elkarren berri izango baitute.
Andrés Duprat-ek sinaturiko gidoiak eduki sinboliko argia du. Bi bizilagunen arteko istuluaren hasiera hasieratik: 'Sólo quiero un poco del sol que a ti te sobra' erantzungo dio Victorrek Leonardori.
Bizilagunen arteko talka aitzakiatzat hartuta, Argentinatik kanpo ere, edonon bizi den egoera soziopolitiko eta klase gatazkaren kritika bat da film hau.
Noiz: Urtarrilak 12, osteguna, gaueko 21:30etan
Non: Soreasu aretoran
Zenbat kostatzen da: 3
Izenburua: El hombre de al lado
Zuzendariak: Mariano Cohn eta Gastón Duprat
Aktoreak: Rafael Spregelburd eta Daniel Araoz
Iraupena: 101 min
Herrialdea: Argentina
Aprobetxatu zine klubaren eskaintza hau, martxotik aurrera, zine klubik izango den ere ez dakigu eta.