'Irteera' pelikula, ikusgai sarean

Erabiltzailearen aurpegia

Aurreko astean Irteera, Azpeitiko sokamuturreko pelikula emititu zuen Erlo Telebistak, Zezen Beltz elkartearekin duen harremana baliatuz. Hemen duzue filma ikusgai osorik. DVDaren ale bat nahi duenak, idatzi dezala info@zezenbeltz.eus helbidera.

Jai karnabal arratsaldeko zezena atera aurreko uneak jasotzen dituen pelikula da Irteera, eta iazko urtarrilaren 27an estreinatu zuen Azpeitiko sokamuturrak 500 urte ospakizuneko Herri Batzordeak. Lan artistikoa da, eta kalitatekoa. Protagonista batzuk ditu: herritarrak. Iraupena, ia 24 minutukoa. Zuzendaria, Xanti Rodriguez azpeitiarra. Soreasu antzokia dena bete zen estreinaldian (500 lagun pasa).

500 alekoa izan zen tirada, eta ale gutxi batzuk baino ez dira geratzen.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide