Xeyeko inoiz baino atleta gehiagok hartu dute parte Aste Santuko kontzentrazioetan

Erabiltzailearen aurpegia Xeye Atletismo Taldea 2016ko api. 4a, 16:59
Aste Santuko oporraldia zela medio, gure inguruko federazioek hainbat kontzentrazio antolatu zituzten. Lurralde bakoitzeko atletarik onentsuenak elkartu dira horietan. Gure taldetik inoiz baino atleta gehiago eraman dituzte; astebetez, goiz eta arratsalde entrenatzeko aukera izan dute. Herrian bertan atletismo pistarik ez izatean, horrelako kontzentrazio batek ematen duen aukera izugarria da Xeye taldeko atletentzat.\ \ Hauek dira Aste Santuan Xeyeko atletak izan dituzten hitzorduak:\ \ - Saloura joan ziren infantil eta kadete mailakoak, guztira 10 neska-mutil.\ - Benicassimen egon ziren junior eta jubenil mailakoak, 4 neska-mutil.\ - Euskadiko selekzioak, distantzia ertain eta luzeko atletarik onenak Segovian bildu zituen, eta Xeyeko atleta bat egon zen bertan.\ \ Lan bikaina egin dute, atletismoaren inguruan oporrak pasatuz. Argi dago taldearen maila goraka doala, ea bide horri eusten diogun.