Maiatzaren Lehenean LAB sindikatuaren mobilizazioan parte hartzeko deia egin du ezker abertzaleak

Erabiltzailearen aurpegia

LAB sindikatuak herriz herri egingo ditu mobilizazioak Maiatzaren 1ean, eta Azpeitiko manifestazioa 12:00etan hasiko da, plazan. Ezker abertzaleak bat egin du LABen deiarekin.

1. Langileontzat garai gogorrak datoz. Enpleguaren defentsa sutsua egiteko garaia da.

2. Pandemiak kapitalismoaren bideragarritasun krisi sakona agerian utzi du. Kapitalismoak kolapso ekologiko eta sozialera darama gizateria. Koronabirusak azkartu egin ditu joerak eta aldaketak.

3. Aldaketa sakonen garai baten aurrean gaude. Aldaketa hori ze norabidetan eta noraino emango den dago jokoan. Langileriak iniziatibaz jokatu behar du aldaketa horien norabidean lidergo proaktiboa hartzeko.  

Euskal langilea da Euskal Herriaren oinarria, eta ezker abertzaleak badu aldaketa horretarako ipar bat eskaintzeko. Independentzia eta sozialismoa. Herria eta herritarrak erdigune izango dituen aldaketa politikoa, ekonomikoa eta soziala posible da eta beharrezkoa da. #LehenikHerria

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide