Marea Urdinak urteko batzarra egingo du etzi

Erabiltzailearen aurpegia

Azkoitiko Elkarguneko Herriko Plaza aretoan izango da batzarra, 19:30ean hasita. 2019ko jardunaren errepasoa nahiz etorkizunerako erronkak izango dituzte hizketarako gai. Marea Urdina ziurtagiria jasoko dute hiru elkartek eta erakundek. Beharrekoa izango da maskara eramatea.

Marea Urdina elkarteak batzar irekia egingo du ostegunean, uztailak 16, Azkoitiko Elkarguneko Herriko Plaza aretoan. 19:30ean hasita, hainbat gai landuko dute:

  • 2019an egindako ekintzak
  • 2019ko ekonomia balantzea
  • Etorkizunerako erronkak
  • Norberak dakarrena

Urtean zehar inklusioaren alde lan egin duten bailarako elkarteei Marea Urdina ziurtagiria emateko ere aprobetxatuko da batzarra. Hain zuzen ere, Azkoitiko Kotxe Klasikoak taldeak, Caixa Azkoitiak eta Zezen Beltz elkarteak jasoko dute aitortza.

Bilerara joateko inor ezagutzen baduzue, egin hari ere gonbidapena, bilera irekia izango baita. Denak izango dira ongietorriak, denok baikara Marea Urdina.

Bilera aurrez aurre egingo denez, beharrekoa izango da musukoa eramatea; beharrezkoak diren babes neurri guztiak hartuko dira.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide