Autismoa duten pertsonen inguruan sentsibilizatzeko asmoz egingo duten itsas zeharkaldiaren harira, bideoklipa kaleratu du Marea Urdinak. Zumaian eta Getarian grabatu dituzte irudiak, eta azpeitiar ugari ageri da bertan.
Uztailaren 7an eta 8an egingo du Marea Urdinak itsas zeharkaldia, eta Mutrikutik hasita, Gipuzkoako kostalde osoa zeharkatuko dute igerilariek. Azpeitian eta Azkoitian abiatutako egitasmoa da Marea Urdina, eta herritarrak autismoaren inguruan sentsibilizatzea du helburu.