Posta elektroniko helbide berria du Kontsumitzaileen Informaziorako Udal Bulegoak (KIUB)

Erabiltzailearen aurpegia

kiub@iraurgiberritzen.eus izango da aurrerantzean KIUBekin harremanetan jartzeko e-posta helbide berria. Sindikatu Zaharreko bulegoan artatuak izateko hitzordua hartu behar dute aurrez herritarrek.

Harremanetarako posta elektronikoa aldatu egin dute Kontsumitzaileen Informaziorako Udal Bulegoan (KIUB): kiub@iraurgiberritzen.eus izango da aurrerantzean KIUBekin harremanetan jartzeko e-posta helbide berria.

Sindikatu Zaharreko bulegoan artatuak izateko hitzordua hartu behar dute aurrez herritarrek. Astelehen, asteazken eta ostiraletan ematen du zerbitzua KIUBek bulego horretan. E-postaz ez ezik, 943-15 71 93 telefono zenbakira deituta ere jar daitezke harremanetan herritarrak, zerbitzua jasotzeko.

Kontsumitzaileentzat informazioa eta laguntza

Iraurgi Berritzenen barruan dagoen zerbitzu bat da KIUB, eta kontsumitzaileei eta erabiltzaileei informazioa eta laguntza eskaintzea da bere xedea. Ondorengo zerbitzuak eskaintzen ditu:

  • Kontsumitzaileei eta erabiltzaileei informazioa, laguntza eta orientazioa eskaintzea, beren eskubideak behar diren bezala erabiltzeko.
  • Kontsumitzaileentzat eta erabiltzaileentzat interesgarriak izan daitezkeen beste zentro publiko edo pribatu batzuen helbideen eta oinarrizko zerbitzuen berri ematea.
  • Kontsumitzaileen eta erabiltzaileen kexui eta erreklamazioei sarrera ematea, erregistratzea eta jaso izanaren berri ematea.
  • Kontsumo gaien inguruko heziketa.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide