Urriko langabezia tasa %17,20koa izan da Azpeitian

Erabiltzailearen aurpegia

Iraurgi Berritzenek 2013ko urriko Buletin Sozioekonomikoa sarean jarri berri du, eta bertan Urola Erdiko herriz herriko zenbait datu ikusi daitezke. Hala nola, langabezia tasaren, langabetuen prestakuntzaren nahiz kontratazioen inguruko datuak irakurri daitezke.

Eskuragarri dago jada Urola Erdiko Enplegu Planaren baitan Iraurgi Berritzenek garatu duen 2013ko urriko Buletin Soziekonomikoa. Bertan, Urola Erdiko hainbat datu jaso dira, herriz herri zein bailara mailakoak, hala nola langabezia tasak eta langabetuen prestakuntzaren nahiz kontratazioen ingurukoak.

Azpeitiari dagokionez, urrian 1.174 langabetu zeuden Lanbiden izena emanda, aurreko hilean baino hiru gehiago eta uztailean baino 93 gehiago. Langabezia tasa %17,20koa izan da urrian, Urola Erdikoaren (%16,23) eta Gipuzkoakoaren (%14,70) gainetik.

Urriko buletina irakurtzeko, egin klik hemen.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide