Urtarrilaren 28an eta 29an mendian lehen laguntzak emateko ikastaro teoriko-praktikoa eskainiko du Lagun Onak Mendi Bazkunak. Lehen sorospenen ikastaroa hamabi ordukoa izango da, eta saioak bi egunetan egingo dituzte elkartearen egoitzan.
Doako jarduera izango da, baina aurrez izena eman beharko da, hamabi lagunentzako lekua izango delako. Horretarako aukera dago Lagun Onak Mendi Bazkunaren webgunean.