Urtezahar eta Urteberri egunetako irteerak

Erabiltzailearen aurpegia

Eguraldia lagun, mendizaleek erantzun ona eman zieten Urtezahar eta Urteberri egunetako irteerei.

Ohi bezala, Lagun Onak MBko kideok mendian agurtu genuen 2021. urtea, eta mendian eman genion ongietorria 2022. urteari. Abenduaren 31n, Urtezahar egunean, 24 lagun elkartu ginen Otzaurtetik Arantzazurako ibilbidea egiteko. Giroa lagun, 20 lagunek Aizkorriko gailurra zapaldu zuten bidean, eta gainerakoak zuzenean joan ziren San Adriango tuneletik Urbiara. Urtarrilaren 1ean, berriz, Erlon hasi genuen urte berria, xanpainarekin eta gozokiekin lagunduta. Irteera horretan ere, erantzun aparta eman zuen jendeak.

Datozen asteetara begira, helduentzat zein haurrentzat zenbait irteera prestatzen hasiak gara. Beraz, adi gure sareei hurrengo egunetan!

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide