Hurrengo astean Durangaldeko Harriak bisitatuko ditugu, ibilaldi eder bezain interesgarri bat osatuz: Mañariatik abiatuta, Untzillatxera igoko gara lehenengo. Handik jaisteko Diagonal Txikia hartuko dugu, Atxarteko bailarara iritsi arte. Hortik Artolako leporantz joango gara, eta handik, hiru aukera egongo dira: bertan gelditu, Astxiki igo edota Allluitz igo. Azkenik, ibilaldia Axpen amaituko da. Paisaia alpinoa, kobazuloak, bide ederrak, sakanak, desnibela... denetik dago ibilbide horretan!
08:00etan irtengo gara anbulatorio aurretik, eta egun osoko irteera izango da. Parte hartzeko, beharrezkoa da gure webgunearen bidez izena ematea: bazkideek 10 euro ordaindu beharko dituzte, eta bazkide ez direnek 15. Animatu eta etorri gurekin!