Urtarrileko '75 tontor' erronka mugikortasun muga berrietara egokitu behar izan du Lagun Onak MBk

Erabiltzailearen aurpegia

Mugikortasuna mugatzeko Eusko Jaurlaritzak hartutako azken neurriak tarteko, Bizkaiko bi tontorrak kendu eta Gipuzkoako beste bi sartu ditu hil honetako mendi erronkan Lagun Onak MBk.

COVID-19aren pandemiari aurre egiteko hartutako azken neurriek muga berriak ezarri dizkiote mugikortasunari. Hori dela eta, ‘75 urte, 75 tontor, 75.000 metro’ erronkan urtarrilerako aurreikusita genituen mendiak egokitu beharrean gaude: Bizkaiko bi gailurrak kendu, eta Gipuzkoako bi sartu ditugu. Hau da, Oiz eta Burgoa momentuz kanpora, eta Pagoeta eta Andarto barrura.
 
Bizkaiko bi tontorretakoren bat (edo biak) eginda duzuenok, ez kezkatu: aurreragoko hilabeten batean jarriko ditugu bi gailur hauek, eta ordurako eginda izango dituzue. Bestalde, urtarrileko zozketetan parte hartzeko ere balioko dizue.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide