Mendizale gazteek Txamantxoia igo dute

Erabiltzailearen aurpegia

Joan den asteburuan, Lagun Onak Mendi Bazkunak iraupen eskia egiteko asteburuko irteera antolatuta zuen haur eta gazteentzako Linzako aterpera. Eskia egiteko aukerarik ez zuten izan, elurrik ez zegoelako. Dena den, bi mendi irteera egin zituzten Linzarako irteeran parte hartu zuten 34 mendizaleek. Larunbat arratsaldean, bazkaldu ondoren, Linzako aterpetik irtenda Gamuetako basoan zeharkaldia egin zuten, 8 kilometro inguruko ibilbidea eginez. Hurrengo egunean, igandean, berriz, goizeko bederatzietan Linzako aterpetik irten eta Txamantxoiako tontorra (1.945 metro) igo zuten mendizale gazteek. Gero, Linzako aterpean bazkaldu eta etxerako bidea hartu zuten. Eskiatu gabe, baina eguraldi ederrak lagunduta mendiaz gozatzeko aukera paregabea izan zuten irteerako parte hartzaileek.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide