Hamalau lagunek asteburu paregabea pasatu dute Pirinioetan

Erabiltzailearen aurpegia da hau Lagun Onak Mendi Bazkuna | Kirolak
2019ko eka. 3a, 16:33

Hamalau lagunek asteburu paregabeaz gozatu dute asteburu honetan Pirinioetan, Lagun Onak Mendi Bazkunak antolatutako ibilaldian. Larunbatean, Belaguatik Auñamendira (2.504 metro) abiatu ziren, eta nahiz eta bidean uste baino elur gehiago aurkitu, eguerdirako gailurrean ziren. Ondoren, tontorretik beherago jaitsi ziren, eta bertan bazkaldu zuten; arratsalde erdirako, berriz, Izabara iritsi ziren.

Igandean Atxeritora joateko asmoa zuten mendizaleek, baina, azkenean, Orhira (2017m) joan ziren. Bezperan ez bezela, igandean ez zuten elurrik aurkitu bidean. Eguerdirako behera jaitsi ziren partaideak, eta Otsagin bazkaldu zuten segidan. Arratsalderako Azpeitira itzuli ziren.

Ibilaldiko argazki gehiago lotura honetan ikus daitezke.

Ikusi argazki guztiak haundiago

 
Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu