Txalintxoko Egunarekin hasiko dute igandean Mendi Astea

Erabiltzailearen aurpegia da hau Lagun Onak Mendi Bazkuna | Kirolak
2019ko mai. 15a, 15:00

Lagun Onak Mendi Bazkunak igandean hasiko du Mendi Astea, Txalintxoko Egunarekin, eta maiatzaren 26an, Xoxoteko Egunean, amaituko dira ekitaldiak. Hainbat ekintza antolatu dute egun horietarako.

Iazko Txalintxo Eguneko irudia. (Lagun Onak MB)  Ikusi haundiago | Argazki originala

Lagun Onak Mendi Bazkunak prestatu du aurtengo Mendi Asteko egitaraua. Datorren igandean, maiatzak 19, Txalintxoko Egunarekin hasiko dituzte ekitaldiak, eta maiatzaren 26an, Xoxoteko Egunarekin amaituko dute astea. Aste osoan zehar, hainbat ekintza izango da Azpeitian.

Igande honetan Txalintxora joatera animatu dituzte herritarrak Lagun Onak MBko ordezkariek. 09:00etan abiatuko dira Enparantza nagusitik, eta goiz ibilaldia egingo dute; lasai-lasai, hiru ordu inguru beharko dituztela kalkulatu dute gailurrera iristeko. Bertaratzen diren guztientzat salda izango da Txalintxon, eta 12:00etan, meza emango dute, gurutzean. Era berean, gaztetxoentzako mendiko txartelak jasoko dituzte. Gailurrean egonaldia egin ondoren, 14:00 aldera zuzenean herrira jaitsiko dira; herrira ordubete inguruan iritsiko direla aurreikusi dute.

Hona hemen Mendi Asteko egitaraua:

Maiatzak 19, igandea (Txalintxoko Eguna)

-09:00. Plazatik Txalintxora irteera.

-12:30. Meza. Gainera, inguratzen direnentzako salda izango da, trikitilariek alaituta.

Maiatzak 21, asteartea

-21:00. Iker Karreraren hitzaldia, Soreasu antzokian.

Maiatzak 22, asteazkena

-21:00. Nun dago nun?, Mikel Diezen eta Xabier Urrateren eskutik, Lagun Onak MBren egoitzan.

Maiatzak 23, osteguna

-21:00. Menditour jaialdia, Soreasu antzokian.

Maiatzak 26, igandea (Xoxoteko Eguna)

-09:00. Enparantza nagusitik Xoxotera irteera.

Egun guztian zehar. Erromeria.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu