Tolosa-Irura ibilaldia eta sagardotegira irteera antolatu ditu Lagun Onak MBk zapaturako

Erabiltzailearen aurpegia da hau Lagun Onak Mendi Bazkuna | Aisia
2019ko mar. 18a, 19:08

Lagun Onak mendi bazkunak Tolosa-Uzturre-Irura ibilaldia eta sagardotegira irteera antolatu ditu martxoaren 23rako. Egun horretan, 08:00etan irtengo da autobusa Azpeititik Tolosara, eta parte-hartzaileek handik hasiko dute txangoa. Izaskundik Uzturre tontorra egingo dute mendizaleek, eta handik Irurara jaitsiko dira. Ondoren, Asteasuko Sarasola sagardotegian bazkaria egingo dute, eta arratsaldean itzuliko dira Azpeitira autobusez.

Irteeran parte hartzeko ezinbestekoa da aurrez izena ematea, eta horretarako epea zabalik dago jada. Ostegunean, hilak 21, itxiko da izen-ematea. Lagun Onak MBren tabernan edo www.lagunonakmb.org webgunean egin daiteke izen-ematea. Mendi bazkunako bazkide direnek zortzi euro ordaindu beharko dute autobuserako izen-ematea. Bazkide ez direnek, aldiz, 10 euro. Sagardotegiko bazkaria han bertan ordaindu beharko da.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu