Pirinioetara irteera antolatu du Lagun Onak MBk ekainaren 24ko astebururako

Lagun Onak Mendi Bazkunak Pirinioetara irteera egingo du ekainaren 24ko asteburuan federatuta dauden mendizaleei zuzenduta. Txangoan parte hartuko duten lagunak hilaren 24ko 05:00etan irtengo dira anbulatorio aurretik, eta autobusez joango dira Lescuneraino. Handik Lintzara igoko dira, 18 kilometroko ibilaldia eginda. Gaua Lintzako aterpetxean igaroko dute. Igandean, goiz-pasa egingo dute Lintzatik Txamantxoiara. \ \ Izen-ematea zabalik dago, eta izena emateko azken eguna ekainaren 22a izango da. Lagun Onak Mendi Bazkunako bazkideak direnek 60 euro ordaindu beharko dute izen-ematea, bazkide ez direnek 70 euro eta langabetuek eta ikasleek, berriz, 50 euro.