Izarraitzekoek emaitza bikainak lortu dituzte Tolosaldea Sarian

Erabiltzailearen aurpegia
Uxue Etxeberria. (Izarraitz igeri elkartea)

Zapatuan izan zen lehia, Tolosan. Izarraitzeko Uxue Etxeberriak, Anne Sagarmendik eta Mirari Goenagak parte hartu zuten. Etxeberriak Espainiako absolutuen lehian parte hartzeko gutxieneko denbora lortu zuen 100 metro bular proban.

Infantil, junior eta absolutu mailako igerilariek Tolosaldea Sarian parte hartu zuten zapatuan, Tolosako Usabal igerilekuan.

Proban Izarraitzeko honako igerilari hauek parte hartu zuten: Uxue Etxeberriak, Anne Sagarmendik eta Mirari Goenagak. Maier Lizarzaburu, Julen Artetxe eta Nahia Amenabar izena emanda zauden, baina gaixorik, baja izan ziren azken unean.

Parte hartu zuen hirukotea emaitza bikainak lortuta itzuli zen etxera. Hona hemen emaitzarik esanguratsuenak:

  • Bederatzi probatan parte hartu zuten, eta denetan marka pertsonalak lortu zituzten.
  • Absolutuetako klubeko errekor berriak ezarri zituen Uxue Etxeberriak 50 metro eta 100 metro bular probetan.
  • Uxue Etxeberriak Espainiko absolutuen lehian parte hartzeko gutxieneko denbora lortu zuen 100 metro bularren.

Zorionak, eta segi lanean!

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide