Irailaren 16an hasiko du 2019-2020 denboraldia Izarraitz Igeri Elkarteak

Erabiltzailearen aurpegia da hau Izarraitz Igeri Elkartea | Kirolak
2019ko ira. 9a, 22:48

Itsas zeharkaldien denboraldia bukatzear dagoen honetan, irailaren 16an, datorren astelehenean, hasiko dira Izarraitz Igeri Elkarteko igerilariak 2019-2020 denboraldia prestatzeko lanetan, igerilekuan.

Izarraitz Igeri Elkartean izena eman ahal izateko, momentuz, master eta premaster ataletan daude hutsuneak. Master edo premaster mailetan izena eman nahi izanez gero, emailez edo telefonoz jarri harremanetan, 'izarraitz.ie@hotmail.com' helbidera idatzita edo 607 49 85 00 (Isaac) telefonora deituta.

Gaztetxoen mailetan, txanda guztiak beteta daude eta itxarote-zerrenda bat dago. Zalantzaren bat izanez gero edo informazio gehiago nahi izanez gero, deitu 607 49 85 00 zenbakira.

Bestalde, denboraldia ilusioz eta indartsu hasteko, urriaren 5erako, zapatua, Izarraitz Igeri Elkartearen eguna antolatzen ari dira.

Data gerturatzen joan ahala, egun horren inguruko xehetasun gehiago emango ditu Izarraitz Igeri Elkarteak.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu