Izarraitzeko igerilari gaztetxoek bi hitzordu dituzte asteburuan

Erabiltzailearen aurpegia da hau Izarraitz Igeri Elkartea | Kirolak
2018ko aza. 14a, 16:44

Astebukaera honetan, Izarraitz Igeri Elkarteko kideek bi lehiaketatan hartuko dute parte: Azpeitian eta Legazpin izango dira jardunaldiak.

Datorren zapatuan, azaroak 17, Izarraitz Igeri Elkarteko benjaminek Azpeitiko Udal Igerilekuan izango dute hitzordua, 16:00etan hasita. Benjaminen kasuan, denboraldiko lehen jardunaldia izango da, eta ohiko urduritasunari aurre egin beharko diote honako probei aurre egiteko:

- 2010. urtean jaiotakoak, 50 metro libre.
- 2009. urtean jaiotakoak, 100 metro libre.
- 2008. urtean jaiotako mutilek, 100 metro libre eta 50 metro bizkar.
- 2008. urtena jaiotako neskak, 200 metro libre eta 50 metro bizkar.
- 2007. urtean jaiotako mutilak, 200 metro libre eta 50 metro bizkar.

Horiez gain, erreleboak ere egingo dituzte gure igerilariek. 2009. eta 2010. urteetan jaiotakoek 6×25 metro bizkar mistoa; eta 2008. eta 2007. urteetan jaiotakoek, berriz, 4×50 bizkar.

Bestalde, eta zapatuan baita ere, Legazpiko Bikuña igerilekuan alebinek ligako bigarren jardunaldia izango dute. Honako probak egingo dituzte:

- 200 metro bizkar.
- 100 metro libre.
- 4×2000 metro libre emakumezkoak.

Entrenatzaileak ari dira bi jardunaldietan parte hartu behar duten igerilariei jakinarazten.

Alebinen jardunaldia, Azpeitikoa bezala, 16:00etan hasiko denez, Legazpira kotxez joan ahal izateko igerileku aurrean 14:20ean gelditzea erabaki da.

Benjaminen kasuan, 15:00etarako igerilekura agertzea nahikoa izango da.

Benjaminen jardunaldia Izarraitz Igeri Elkarteak antolatu du, eta gure esker ona adierazi nahi diogu Azpeitiko Udalari, beraien laguntzarik gabe ezinezkoa izango genuelako horrelako lehiaketak antolatzea. Bestalde, txapelketa dela eta, barkamena eskatu nahi diegu igerilekuaren erabiltzaileei, zapatu arratsaldean sortuko dugun eragozpenagatik.

Zorte on eta disfrutatu!

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu