Gaur, zapatua, hasi eta asteazkenera bitartean, Espainiako Absolutuen eta Juniorren Udaberriko Open Txapelketa jokatuko da Malagan (Andaluzia, Espainia). Bertan izango dira Oihana Goenaga, Iñaki Etxeberria eta Maitane Goenaga igerilariak Izarraitz Igeri Elkartea ordezkatzen.
Nazioarteko 611 igerilarik hartuko dute parte, txapelketan eta azpeitiarrek aukera izango dute ospe handiko igerilariekin lehiatzeko.
Oihana Goenagak (1999): 100 metro libre proban hartuko du parte. Iñaki Etxeberriak (2001): 50 metro libre eta 100 metro libre probetan. Maitane Goenaga (2002) da lan gehien egin beharko dituena, honako proba hauek egin beharko baititu: 50 metro libre, 100 metro libre, 200 metro libre, 400 metro libre eta 100 metro bizkar.