Izarraitzen XXX. urteurrena ospatu zen zapatuan

Erabiltzailearen aurpegia

Joan den zapatuan, Izarraitz Igeri Elkartearen XXX. urteurrena ospatu zen. Goizean, igeriketa jaialdi ederra ikusteko parada izan genuen. Gaztetxoen erakustaldia izan zen aurrena eta garai batean Izarraitzen igerian ibilitakoak eta gaur egun dabiltzanak izan genituen ondoren, igerilekuan. Eneko Etxeberria Azpeitiko alkatea ere bertan izan zen eta bera han egon izana eskertu nahi genuke.

Eguerdian, Ongi Etorri jatetxean egindako bazkarian parte hartu zuten Estitxu Elduaien udal zinegotziak, elkarteko igerilariek, gurasoek eta lagun guztiek, eta gustura eta giro jatorrean pasatu genuen eguna. Bazkalostean, Eva Astigarragak ohorezko aurreskua dantzatu zuen eta ondoren eskertza oroigarriak eman zitzaizkien Ina Olaizolari eta Ageda Zubizarretari, Azpeitian igeriketa sustatzeko egindako lanagatik.

Mila esker Ina eta Ageda, Izarraitz Igeri Elkartea osatzen dugun guztion partetik.

Hemen, aurreskua eta oroigarrian bideoa:

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide