Ilunpe pilota elkartea dagoeneko hasi da 2022-2023 denboraldia prestatzen, eta etzi, irailak 1, irekiko dute izen-emate epea. Irailaren 30era bitartean izango da horretarako aukera, eta interesa dutenek Luba aholkularitzan eman beharko dute izena.
Bestalde, elkarteak iragarri du irailaren 12tik 18rako astean hasiko direla entrenamenduak, eta saio horiek urtean zehar zein egunetan eta ordutan izango diren ere jakinarazi dute:
- Astelehenetan, 18:00etan, infantilak (2009-2010. urteetan jaiotakoak).
- Astearteetan, 16:30ean, jubenilak (2005-2006. urteetan jaiotakoak).
- Asteazkenetan, 16:00etan, kadeteak (2007-2008. urteetan jaiotakoak).
- Asteazkenetan, 18:00etan, alebinak (2011-2012. urteetan jaiotakoak).
- Ostegunetan, 18:00etan, benjaminak (2013-2014. urteetan jaiotakoak).
- Zapatuetan, 09:30ean, aurre-benjaminak (2015-2016. urteetan jaiotakoak).