Aste honetako futbol partidak

Erabiltzailearen aurpegia

Azaroan sartu garen honetan, asteburuan izango ditugun partidak dituzue honako hauek. Animatu Garmendipera, gure taldeak animatzera.

Preferenteko mutilek Beasainen aurka jokatuko dute igandean, 15:30ean. Aurreko astean egindako partida on hartan punturik lortzerik izan ez bazuten ere, indar berarekin aterako dira igandeko partidara.

Erregional mutilek ere igandean jokatuko dute; horiek, ordea, Garmendipen neurtuko dituzte indarrak Aloña Mendiren kontra, 15:30ean hasita.

Jubenil mutilek Zumaiako hartuko dute Garmendipen larunbatean, 15:30ean.

Kadete mutilen A taldeak ere Garmendipen jokatuko du larunbatean, 10:00etan, Urola Urretxu B taldearen kontra. B taldekoek, berriz, etxetik kanpo jokatuko dute aste honetan ere; zehazki, igandean, 10:15ean, Mojategin, Arrasate Bren kontra.

Infantil mutilek larunbatean 12:00etan izango dute Zarautz Cren kontrako norgehiagoka, Garmendipen.

#AupaIkas

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide