Ikasberri KEren futbol taldeen asteburuko partidak

Erabiltzailearen aurpegia

Hirugarren jardunaldiko neurketak jokatuko dituzte gure mutilek.

Preferentekoek larunbat arratsaldean Mondragon hartuko dute Garmendipen, 17:30ean hasita. Aurreko bi partidak galdu badituzte ere, ea aste honetan buelta eman eta puntuak batzea lortzen duten.

Jubenil mutilek Lagun Onaken aurka derbia jokatuko dute. Partida larunbatean 11:00etan izango da eta zelai naturalean jokatzeko aukera izango dute.

Kadeteek, berriz, Anaitasunaren kontra jokatuko dute Azkoitian, San Juan zelaian. 11:45ean izango da horien partida.

Partidak gehitzen doaz pixkanaka eta ziur aurreko urteetako sentsazioak hartzen joango direla gutxinaka. Ea aste honetan zer-nolako emaitzak lortzen dituzten gure mutilek.

#AupaIkas

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide