Asteburuko emaitzak

Erabiltzailearen aurpegia da hau Ikasberri Kirol Elkartea | Kirolak
2019ko urr. 7a, 19:26

Beste jardunaldi bat gehiago igaro da, eta hau da asteburuak utzi diguna.

Preferenteko mutilek etxetik kanpo sendo jarraitzen dute, bitik bi partida irabazita. Larunbatean Getariako Ketaren aurka 0-1 irabazi zuten, eta hiru puntuak etxeratzea lortu zuten.

Erregional mutilek ere garaipen ederra erdietsi zuten Aretxabaleta Udaren etxean, huts eta bi nagusituz.

Jubenil mutilen lehen taldea ere denboraldi hasiera bikaina egiten ari da; igandean 5 eta 2 irabazi zion Ikasberrik Eibartarrak A taldeari. Larunbat arratsaldean, berriz, jubenil mutilen bigarren taldeak ezin izan zuen Zestoaren kontrako neurketa irabazterik lortu: 5-1 amaitu zen partida.

Kadete mutilek 5 eta 0 galdu zuten Anaitasunaren aurkako partida, baina, halere, denboraldia hasi besterik ez da egin; partida asko dituzte oraindik jokatzeko.

Infantil mutilak oraindik denboraldi-aurrea jokatzen ari dira, baina indartsu ekin diote lehiari, Zumaiakoren aurka jokatu baitzuten larunbatean eta 9-0ko emaitza lortu baitzuten.

#AupaIkas

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu