Ikasturte hasierako batzar irekia egingo du Gaztetxeak bihar

Erabiltzailearen aurpegia

Batzarra 18:00etan hasiko da, eta ondoren luntxa egongo da. Bileran azalduko dira ikasturte honetako berrikuntzak, lantaldeen funtzionamendua eta gazte asanbladaren erronkak. 

Ikasturte berriari heltzeko gogoz gaude, lanerako prest. Hori dela eta, azken asteetan bihar egingo dugun ikasturte hasierako batzar irekia prestatzen aritu gara. Urriaren 1ean, ostirala, 18:00etan izango da Azpeitiko Gaztetxearen ikasturte hasierako batzar irekia, eta bertan azalduko dira ikasturte honetako berrikuntzak, lantaldeen funtzionamendua eta gazte asanbladaren erronkak. 

Bileraren ostean luntxa egongo da bertaratzen direnentzat.

Hamaseigarren urteurrena ezin hobeto ospatu genuen eta horrela jarraitu nahi dugu urte luzez. Beraz, animatu Gaztetxera, eta antolatu!

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide