Din Rap Don eguna izango da bihar Gaztetxean

Erabiltzailearen aurpegia

Raparen inguruko tailerra, Sufijorap txapelketarako sailkapen faseko lehen jardunaldia eta rap kontzertuak izango dira bihar, goizetik hasita, Gaztetxean. 

Azpeitiko Gaztetxeak eta Azperap-ek elkarlanean antolatuta, Din Rap Don eguna izango bihar, abenduak 28, Gaztetxean. Goizean, 11:00etan hasita, hip-hop musikaren sorreraren inguruko solasaldia eskainiko dute H&Jk, eta jarraian, rap musika sortzen ikasteko tailerra izango da. 

Arratsaldean jarraituko dute antolatutako egitarauarekin. Hain zuzen, 17:30ean hasita Sufijorap txapelketarako sailkapen faseko lehen jardunaldia izango da. Bertan, nor baino nor eta aurrez aurre arituko dira hainbat txokotatik bertaratutako raperoak. Horren ostean, 20:00etan rap doinuez gozatzeko tartea izango da. Bihar Gaztetxeko oholtzara igoko dira Troya, Josu Iraola, Basero, Deace, Big Flea, Zetitaz eta Durangoko Patxadaz taldea. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide