Berogailuak, manta lodiak eta hotzari aurre egiteko oinarrizko materialak eskatu ditu Elkar-ekinek

Erabiltzailearen aurpegia

Herriko zenbait etxetan igarotzen ari diren egoera arintzeko neguko material erabilgarria bihar eta etzi Soreasuko Elkargunera eramateko deia egin die taldeak herritarrei.

Azken egunotan egiten ari den hotza dela eta, pobrezia egoeran diren hainbat herrikideren bizi baldintzek okerrera egin dute, bereziki berogailua jartzeko aukerarik ez duten eta neguari aurre egiteko oinarrizko material egokirik ez duten horiena.

Horregatik, herritarrei honako dei hau egin nahi dizuegu: etxean edo sotoan soberan dituzuen berogailuak, manta lodiak eta hotzari aurre egiteko orotariko materialak Soreasuko Elkargunera ekartzeko. Bihar 16:00etatik 20:00etara, eta larunbatean, 10:00etatk 13:30era egongo da irekita Elkargunea.

Herritarren arteko elkartasunean sakontzeko deia egin nahi dugu, injustiziarik latzenak bizi dituzten horiekin gogoratzea eta injustizia egoerak gainditzeko borrokan jarraitzea beharrezkoa ikusten du Elkar-ekinek.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide