Iñaki Segurolaren heriotza

'Hankak lurrien' saio berezia, Iñaki Segurolaren omenez

Erabiltzailearen aurpegia
Miel Rodriguez, Garbiñe Larrea eta Xabier Arenaza, pijamak soinean dituztela, Matadei kanpoan.

Hankak lurrien saioko partaideetako bat zen Segurola, eta haren omenez, programa berezia grabatu dute Miel Rodriguezek, Xabier Arenazak eta Garbiñe Larreak, pijamak soinean eta Cheetos gozokiak janez.

Azkoitiko Kontrako Eztarrixe irratiko Hankak lurrien saioko partaideetako bat zen Iñaki Segurola, eta hura hil zenetik, ez zuten saio gehiago grabatu. Asteartean, dena den, Segurolaren faltan, programa berezi bat egin zuten irratsaioan ohiko partaide diren Miel Rodriguezek, Xabier Arenazak eta Segurolaren andrelagun Garbiñe Larreak. Modu ezin bereziagoan egin zuten, gainera, saioa: Segurolak hainbeste maite zuen eta Permanent tourist idatzita daraman pijama jantzi zuten hirurek, eta Cheetos gozokiak janez oroitu zuten falta duten laguna.

Lotura honetan entzun daiteke saioa osorik.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide