Eibarko (Gipuzkoa) Eta kitto! euskara elkarteak urtero antolatzen duen Euskararen Transmisioa eta Sozializazioa mintegian hizlari aritu da Josu Azpillaga ingeniari azpeitiarra.
Eibarren bertan dagoen CodeSyntax enpresaren Egunean Behin galdera-erantzunen jokoaren sortzaileetakoa da Azpillaga, eta joko horren arrakastaren eta eraginaren gainean mintzatu da Eta kitto!-ren mintegian. Hortik abiatuta, sakelako telefonoak, Interneteko edukiak eta euskara izan ditu hizpide: "Asko daukagu egiteko eta Egunean Behin asko beharko ditugu", uste du Azpillagak.