ETB3 katean ematen duten 3 Ene Kantak saioko kideak Azpeitian izan dira gaur. Hain zuzen ere, ikastetxez ikastetxe grabatzen dituzte saioaren zatiak, eta gaurkoan Karmelo Etxegarai Ikastolako Lehen Hezkuntzako 1. eta 2. mailako ikasleekin egin dituzte grabaketak. Gainera, kalera ere atera dira programako protagonistak; Alde Zaharrean barrena ibili dira Sator jator eta Astonauta pertsonaiak. Azpeitian grabatutako saioa apirilaren 11 eta 15a bitartean emango dute, ETB3 katean, 20:00etan hasita.
Azpeitian grabatu dute gaur ETB3ko '3 Ene kantak' saioa
2022ko ots. 10a, 12:48
Karmelo Etxegarai Ikastolako Lehen Hezkuntzako 1. eta 2. mailako ikasleekin egin dituzte grabaketak, eta ondoren, Alde Zaharrean izan dira Sator jator eta Astonauta pertsonaiak. Apirilean ikusi ahal izango da saioa.