Joseba Agirrezabalaga artista plastiko azpeitiarrak Alkizako Udalak antolatzen duen Sormenaren Kabia beka eskuratu zuen, eta bere esperientzia kontatu du Unai Sorarrain bideogileak egindako ikus-entzunezkoan. Naturako elementuak oinarri hartuta egin zuen Agirrezabalagak bere lana, eta joan zen ostiralean, abenduak 17, aurkeztu zuen bere lana Alkizako (Gipuzkoa) Fagus Alkiza interpretazio zentroan, beka bera lortu duen Ione Larrago ilustratzailearekin batera.
Bestalde, Agirrezabalagak egindako koadro bat Fagus Alkiza zentroan dago ikusgai, eta bere gainerako lanak, Ur Mara museoan.