Añota sagardotegiko Euskal Sagardoa, botilatuta

Erabiltzailearen aurpegia

Euskal Sagardoa jatorri-deiturak 2019ko uzta botiletan aurkeztu zuen atzo, osteguna, Txillida Leku museoan. 48 sagardotegiren 60 botila aurkeztu zituzten; tartean, Azpeitiko Añota sagardotegikoa.

Araba, Bizkai eta Gipuzkoako 48 sagardogileren 60 botila aurkeztu zituzten atzo, osteguna, Hernaniko (Gipuzkoa) Txillida Leku museoan. Hain zuzen ere, Euskal Sagardoa jatorri-deitura osatzen duten sagardogileen 2019ko sagardo uzta botiletan aurkeztu zuten bertan; tartean, Azpeitiko Añota sagardotegikoa. Aurkezpenean izan ziren, besteak beste, Bittor Oroz Eusko Jaurlaritzako Nekazaritza, Arrantza eta Elikadura politikako sailburuordea, Oihana Gantzerain Euskal Sagardoa jatorri-deiturako presidentea, Olatz Mitxelena Sagardoa Routeko koordinatzailea nahiz Xabier Arruti Gipuzkoako Foru Aldundiko Nekazaritza eta Landa Garapeneko zuzendaria.

Bestalde, Euskal Sagardoaren katalogoa ere aurkeztu zuten agerraldian, eta jatorri-deitura osatzen duten sagardogile guztien sagardoak nahiz horien inguruko xehetasunak bildu dituzte bertan. Honako lotura honetan ikus daiteke katalogoa.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide