Uztarria eta Trikigiro elkartea, 'Errautsak hauspotzen' proiektuaz Euskadi Irratian

Erabiltzailearen aurpegia da hau Di-da! | Komunikabideak
2019ko urr. 1a, 12:54

Uztarria Komunikazio Taldeko kazetariek aldian behin parte hartzen dute Euskadi Irratiako Mezularia saioaren Tokikom Tertulia atalean, eta Azpeitiko hainbat gai izaten dute hizpide tarte horretan. Atzo, astelehena, saio horretan izan zen Ihintza Elustondo Uztarriako kazetaria, eta Ainhoa Etxebeste Euskadi Irratiako kazetariarekin batera, Itziar Aranguren Trikigiro elkarteko kidea elkarrizketatu zuen. Hain zuzen ere, 'Errautsak hauspotzen' proiektuaren inguruan aritu ziren solasean hirurak. Urola Erdiko trikitilariak eta pandero jotzaileak omenduko dituen proiektua da 'Errautsak hauspotzen', eta egitasmo horren inguruko xehetasunak izan zituzten hizpide atzoko saioan. Trikigiro kultur elkartea eta Kulturaz kooperatiba dira proiektuaren sustatzaileak, eta une honetan, finantzaketa kolektiboa lortzeko kanpaina bat dute martxan. Arangurenek aurreratu zuenez, udaberrian ikusiko du argia proiektuak.

Honako lotura honetan entzun daiteke atzoko saioa: https://www.eitb.eus/eu/irratia/euskadi-irratia....

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu