Azpeitiko eta Zumaiako hitanoa izan dituzte hizpide EHUren udako ikastaro batean

Erabiltzailearen aurpegia

Azpeitiko eta Zumaiako hitanoa eskolan lantzeko egitasmoaz solastu dira gaur EHUren udako ikastaro batean. Soziolinguista Klusterreko Josune Zabala eta Olatz Bengoetxea teknikariek azaldu dute egitasmoa, Donostiako Miramar jauregian egindako saioan.

Soziolinguista Klusterra 2009an hasi ziren hitanoaren gaia lantzen, Zumaiako Udalaren enkarguz. Materiala elkarlanean osatu dute, eta irakasleek ere parte hartze handia izan dute proiektuan, edukiak haurren ezaugarrietara egoki behar izan dituztelako. Azpeitiak ere interesa agertu zuen proiektu pilotuan, eta eduki batzuk bietarako landu dituzte, herri bakoitzerako egokituta.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide