Urola bailarako biodibertsitatea prehistoria zaharrean

Erabiltzailearen aurpegia

Antxieta arkeologia taldeak Zestoako Baio koban aurkitutako materialak Irungo Gordailuko depositoan daude, eta zientzialari talde bat horiek ikertzen ari da.

Antxieta taldeak 90eko hamarkadan egindako zundaketan aurkitutako materialen ikerketa egiten hasi da zientzialari talde bat Irungo Gordailuko depositoan.

Azken teknologiak erabiltzen dituzte ikerketa horietan. Lehenengo fase honetan zundaketan azaldu ziren animaliak aztertzen hasi dira. Espezie ezberdinen hezurren neurketekin, inbentarioarekin, makro argazkiekin, fotogrametriarekin eta 3D solidotan eskaneaketarekin ari gara orain, eta momentuan honako familia hauek desberdindu ditugu: kanidoak, ursidoak, felinoak, heinidoak, errinozeroak, belarjaleak. Fauna bikaina dago Zestoako koba honetan.

Epe laburrean zehazten joango gara identifikatzen ari garen animalien xehetasunak. Izan ere, Asier Gomez eta bere kolaboratzaileak proiektu bikaina bultzatzen hasi dira Antxieta taldearen laguntzarekin. Ikerketa hauen berri ematen joango gara.

Argazkietan: Asier Gomez, Monica Villalba, Mikel Arlegi eta Jabier Lazkano.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide