Gorputza dantzan jartzeko aukerarik ez da falta izan asteburu honetan Sanagustin kulturgunean. Ostiralean, Sara Azurza eta Chica Sobresalto abeslariak izan ziren agertokian, beren doinu dantzagarriekin giroa alaitzen.
Larunbatean aritu ziren taldeak, aldiz, rock doinuekin etorri ziren Azpeitira. Havalina taldeak eman zuen lehen kontzertua, eta Ezpalak taldeak, berriz, bigarrena.
Kontzertu horiez gain, Soreasu antzokian ere izan zen bestelako eskaintzarik; Luis Zahera aktoreak bakarrizketa saioa eskaini zuen igandean, esaterako.
Ekitaldi guzti horietako argazkiak ikusi nahi izanez gero, sartu kulturazartxibategidigitala.eus atarira.