Ekainera bitartean irudi eszenikoak sortzen, desegiten, irakurtzen eta erabiltzen ikasten hasteko parada eskaintzen du laborategiak. Oholtzarekin, gorputzarekin, antzerkiarekin beste harreman modu bat nahi duen edonork dauka lekua laborategian, aurrez inoiz ibili gabea izanda ere.
Honako lotura honetan eskura daiteke laborategiaren inguruko informazio guztia. Urriaren 25ean hasiko da ikastaroa, eta ekainaren 20a bitartean iraungo du. Saioak presentzialak izango dira, arratsaldez; ordutegia oraindik zehazteke dago.
Interesa dutenek jada eman dezakete izena —hemen—, eta urriaren 22a izango da horretarako azken eguna. Prezioari dagokionez, 225 euro ordaindu beharko dituzte.