Bi kontzertuz gozatzeko aukera izan zen joan den zapatuan Sanagustin kulturgunean. Izan ere, Habi eta Etxekalte taldeak kulturguneko agertokira igo ziren.
Etxekalte taldea rock alternatiboa egiten duen Bermeoko (Bizkaia) taldea da, eta Unai Irisarrik, Jon Andoni Juarezek, Iker Etxebarriak eta Iñaki Olondok osatzen dute. 2019. urtean Gure hizkeran deituriko lana kaleratu zuten.
Habi, berriz, Villabonako (Gipuzkoa) taldea da, eta rock estiloko abestiak egiten dituzte horiek. 2018. urtean sortu zuten Jon Ander Artolak eta Yeray Gasconek, eta ordutik, bi disko plazaratu dituzte; Koloreak deitzen da beren azken lana.
Honako lotura honetan ikus daitezke emanaldietako irudi guztiak