'Herri ekimena eta kooperatibismoa' nazio jardunaldia izango da ekainaren 25ean

Sanagustin kulturgunean izango da jardunaldia.

(azken ordukoa, ekainak 22: ezbehar bategatik, jardunaldia atzeratua udazkenera) Jardunaldia Sanagustin kulturgunean izango da, 09:30etik 13:30era bitartean. Herritarrek eta eragileek jadanik eman dezakete jardunaldirako izena. David Fernandez kataluniarrak eta Euskal Herriko lau esperientzia praktikotako ordezkariek hitz egingo dute.

Azpeitiko Sanagustin kulturgunearen 10. urteurrenaren ospakizunaren barruan, ekainaren 25ean, ostiralez, izango da bigarren nazio jardunaldia: Herri ekimena eta kooperatibismoa izenekoa, ospakizuneko Herri Batzordeak eta Kultiba kooperatibak antolatuta. Jardunaldia Sanagustin kulturgunean izango da, 09:30etik 13:30era bitartean.

Herritarrek eta eragileek jadanik eman dezakete jardunaldirako izena, bestehamaikabizitzeko@gmail.com helbidera mezua idatzita, ekainaren 17ra artean. Doan da apuntatzea.

Bost lagunek hitz egingo dute: tartean, David Fernandez katalanuniarrak. Horrez gain, Euskal Herriko lau esperientzia praktikotako ordezkariek hartuko dute hitza.

Jakingarriak

Kooperatibismoa: zer eta zertarako

  • David Fernandez (kooperatibista, Herrialde Katalanak): Balioak eta balioa.

Kooperatibismoa: zergatik eta nola. Esperientzia praktikoak

 

  • Ioritz Aizpuru (Elikagunea, Azpeitia): Saltokiaz harago, dastaketa eta heziketa gunea.
  • Cristina Etxegoien (Erreka Group, Mondragon korporazioa): Industria produkzioa.
  • Gartzen Garaio (Ekintza Faktoria, Aiaraldea): Eraldaketa soziala euskaratik eta euskaraz.
  • Naroa Elortza (Goiener, Euskal Herria): Energia berriztagarrien sorkuntza eta kontsumoa.

Sanagustin kulturgunearen 10. urteurreneko Herri Batzordeak maiatzaren 10etik uztailaren 24ra arteko egitaraua prestatu du, sei ekitaldirekin, eta maiatzaren 28an izan zen beste nazio jardunaldia: kultur artikulazioari buruzkoa, Jakin fundazioarekin antolatutakoa. Egitarauko bosgarren ekitaldia izango da Herri ekimena eta kooperatibismoa jardunaldia.

Azpeitiko Kultur Mahaiak, Kulturaz kooperatibak, bi udal taldeek eta norbanako batzuek osatzen dute Herri Batzordea.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide