Beste hamaika...

Beste hamaika bizitzeko_ da Sanagustin kulturgunearen 10. urteurrenaren ospakizuneko lelo nagusia, baina beste hamaika gozatzeko, entzuteko, idazteko, klikatzeko… ere bada, azken batean. 10. urtemugaren antolatzaile Herri Batzordearen esanetan, mezu zabal bat da, halaxe nahita aukeratutakoa, aldaera, ñabardura eta geruza asko dituelako. Soreasu antzokian eta Dinamoa sormen gunean lantzen diren lau eremuekin bat dator: gorputza, soinua, hitza eta irudiarekin.

Logotipoa eta leloa gehiago ezagutarazteari ekin dio Herri Batzordeak, eta joan den aste bukaeran Huntza taldeak Soreasun emandako kontzertuan kuboak ikus zitezkeen. Sanagustinen ere ikus ahal da, formatu desberdinetan.

Urtemugako egitaraua osatzen ari da batzordea, betiere osasun egoera kontuan hartuta.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide