Umeen zaintzan

Erabiltzailearen aurpegia

Bizitza Plataformaren umeen zaintzarako ekimena hemen duzue. Informa zaitez. Umeenganako tratu txar honek geure arduragabetasuna agerian uzten du.

"Ikastetxez ikastetxe, eskuz esku, Bizitza Plataformak osaturiko txostena banatu berri dugu, 2021-2022 ikasturteak desberdina izan behar duela eta nolabaiteko normaltasunera itzuli behar dugula eskatuz. Hezkuntza Sail eta Ordezkaritzetatik inposatutako protokolo bortitz hauek pixkanaka lasaitu eta desagertzeko neurri zehatzak proposatu ditugu: tartean, maskararen erabilera boluntarioa izatea eta distantzia sozialik ez eragitea, adibidez.

Maskararen erabilerak geroz eta kezka handiagoa sortzen duela nabarmena da azken asteetan eta ez da harritzekoa, haurrek helduek baino hiru aldiz oxigeno gehiago kontsumitzen baitute. Oxigeno faltak, garunaren garapena eragozteaz gain, kalte itzulezinak eragiten ditu eta hortik dator galdera, zer ondorio izango ote ditu epe luzera gure haurrei egunero arnasa kentzeak? Eta nor izango da kalte horren erantzule?

Ikasturte berri honetan gure agintariek ausardiaz jokatu eta beste herrialde batzuetan gertatzen ari denari erreparatzen badiote, ohartuko dira Ipar Euskal Herrian urriaren 4tik aurrera Lehen Hezkuntzako haurrek ez dutela maskara erabiltzen. Danimarkan, Estonian, Finlandian, Erresuma Batuan (Eskozian ezik), Hungarian, Norvegian, Belgikan, Herbehereetan, Luxenburgon eta Suedian ere ez da beharrezkoa maskara eskoletan. Alemanian, 12 urtetik aurrera agintzen dute.

Dagoeneko 3.200 sinadura batu ditugu, horregatik dei egin nahi dugu azken txanpa honetan Bizitza.eus webgunean sinatu, eta urriaren 22an Hezkuntza Sail eta Ordezkaritzetan egingo diren mobilizazioetan parte hartzeko Gasteizen, Bilbon, Iruñean eta Donostian, eskoletan arnastu nahi dugula ozen esateko!".

Bizitza Plataforma.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide