Unai Gallagak irabazi du XXII. Herriko Amuarrain Txapelketa

Erabiltzailearen aurpegia da hau Ollagorra Ehiza eta Arrantza Elkartea | Kirolak
2013ko eka. 21a, 09:55

Joan den zapatuan, hilak 15, jokatu zen XXII. Herriko Amuarrain Txapelketa, eta 23 arratzalek hartu zuten parte. Guztira, 37 amuarrain harrapatu zituzten. Infantil mailako Unai Gallaga izan zen irabazlea, Ollagorra Elkarteak antolatutako txapelketan. Amuarrain handienaren saria, berriz, Mikel Perezek eskuratu du, 382 gramoko amuarraina arrantzatuta.

Goizeko 09:00etan Enparan Dorretxean elkartu eta ordu erdira izena emandako gazte denak ibaian sartuta ziren. 11:30ak arteko tartea zuten amuarrainak harrapatzeko. 10:00etarako jakinekoa zen Unai Gallaga izango zela txapelduna, ordurako hiru amuarraineko kupoa harrapatuta zuelako.

Duela bi aste zen txapelketa izatez, baina eguraldiagatik atzeratzea erabaki zen. Aurreko asteko atzerapenaren ondoren egun zoragarria izan zuten parte-hartzaileek eta umeek ederto pasatu zuten.

Sailkapena:

Infantilak:
1- Unai Gallaga
2- Axier Aranbarri
3 -IƱigo Elorza
4 -Jon Alberdi
5 -Ibon Goenaga
6- Mikel Perez
7 -Ander Elorza

Alebinak:
1- Jakes Del Pozo
2- Jokin Sudupe
3- Egoitz Beristain
4- Oier Mateos
5- Haizea Salegi

Benjaminak:
1- Haritz Ameneabar
2- Josu Alonso
3- Manex Beristain

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu