Handitu ginen, sexualitate mota bakarra ez zegoela ikusi genuen eta gizarteak bultzatutako aldaketa soziala islatzen zen osasun sisteman. Borroka ondoren lortu zen amatasuna eta sexualitatea ezberdintzea.
Orain berriro, askatasunari beldurra erakutsiz, Estatu espainolaren legeriak gure intimitatea arautu nahi du. Ahalegin horretan emakumeon gorputza kontrolatzeko lehen urratsa izan da. Gainera, eta hau kontu zaharra da, gure onurarako egiten dutela esaten dute; zer komeni zaigun ez dakigulako, ume bihurtu nahi gaituzte.
Administrazio batek hori proposatzen duen bitartean, beste batek hezkuntza libreagoa, askatasunean, zabaldu nahi du. Azpeitiko Udaleko Parekidetasun saila bultzatzen ari da sexuali- tatearen inguruko Plax! programa. Ikastetxeetan hasita, geroago gazte txokoan eta orain hilabeteroko azken larunbatetan Sindikatu Zaharrean sexualitateaz hitz egiteko edo aholkuak jasotzeko parada daukagu heldu guztiok, bai emakumezkoek, bai gizonezkoek, banaka, binaka edo taldeka. Gainera, emakumeen txokoan ikastaroak eta hitzaldiak badaude.
Beste leku batzuetan agian ez, baina Azpeitira plazerrari buruz hitz egiteko aukera iritsi da. Bazen garaia!
Otsaileko Uztarria aldizkarian argitaratutako iritzi artikulua.