Lau eta huts gailendu dira Lagun Onakeko emakumeak

Erabiltzailearen aurpegia da hau Lagun Onak Futbol Taldea | Kirolak
2020ko urt. 14a, 10:38

Lagun Onak futbol taldeko senior nesken taldeak ligako neurketa jokatu zuen joan den larunbatean, Zarautzen aurka, Garmendipe futbol zelaian. Aise gailendu zen Azpeitiko taldea; izan ere, lau eta huts hartu zuen mendean Zarautz. Lehen bi golak Joanek sartu zituen, eta beste biak, Nahiak. Lagun Onak talde aurkaria baino gehiago izan zen partida guztian zehar. Azken norgehiagoka ezin izan zuen irabazi Lagun Onakek, eta beraz, ondo etorri zitzaion larunbateko partida irabaztea. Hiru puntu gehiago batuta, 30 punturekin, laugarren postuan da taldea.

(Argazkia: Lagun Onakeko emakumeen taldea, artxiboko irudi batean)

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu