Beste berdinketa bat lortu dute Lagun Onakeko gizonek

Erabiltzailearen aurpegia da hau Lagun Onak Futbol Taldea | Kirolak
2020ko urt. 13a, 14:43

Lagun Onak futbol taldearen Espainiako Hirugarren Mailako taldeak bigarren itzuliko lehen neurketa jokatu zuen larunbatean, Garmendipen. Azpeitiko taldeak Santurtzi izan zuen parez pare, eta hutsean amaitu zen partida. Lehen zatian, ondo aritu zen Lagun Onak; aurkariaren atetik nahiko gertu ibili zen taldea, baina gol aukera garbirik egin gabe. Bigarren zatian, berriz, Santurtzi hobeto sartu zen partidara, eta Bizkaiko taldeak nahi zuen joko moldera egokitu behar izan zuen etxeko taldeak. Dena den, aukera garbiena Lagun Onakek izan zuen bigarren zatian, Joanes Otamendiren erdiraketa bate esker, baina ezin izan zuten aukera aprobetxatu. Puntu batekin konformatu behar izan zuen, beraz, Lagun Onakek.

Une honetan, hamalaugarren postuan da Lagun Onak, 22 punturekin. Datorren astean, Durangoren aurka jokatuko du partida taldeak, etxetik kanpo.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu