Nire leihotik

Txikitasunean handi

Erabiltzailearen aurpegia

Jon Olaizolak 2020ko urriko Uztarria aldizkarian Nire leihotik atalerako egindako ekarpena da honako hau.

Murumendiko zuhaitzen itzalpean, kamera, bakardadea eta isiltasuna lagun ditudala, inguruko zuhaixken soinu eta mugimendu otzanek salatzen dute orein talde baten kokapena.

Oreinkume honen korrikaldiak, kuriositateak, zuhurtzia faltak eta begien argiak bizitzeko gogoaren islada ekarri dit burura, edozein haurtxorena bezala.

Zer pentsatu handia eman dit horrek: heldutasunera iristeak aldatzen gaituen guztian jarri naiz pentsatzen, motxilara erakartzen digun pisuan, errutina pozoituaren espiralak irensten digun denboran, ametsetan, bizitzeko txispan...

Zerbait bada zoriontasuna, jabetu naiz nostalgiarekin gogoratzen ditugun txikitako uneak direla, kezkarik ez dugun eta libre garen garai bakarra dela; nahikoa zirela mendi bat, soberako irudimena eta aitonaren begirada zimurtua atzean.

Nerudak zera zioen: "Jolasten ez duen umea ez da ume, baina jolasten ez duen helduak betirako galtzen du barruan zeukan umea, eta behar izango du".

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide