Asteburu bete-betea Iraurgi Saskibaloiarentzat

Erabiltzailearen aurpegia da hau Iraurgi Saskibaloi Taldea | Kirolak
2019ko mai. 10a, 17:34

Juaristi ISBk ligako azken partida jokatuko du bihar Azkoitian. Sarrera doan izango da gizonezkoen talde nagusiaren agurrekoan, eta neurketaren atarian Juaristi babeslearen pelutxeak salduko dituzte, AVAIM GKEaren aldeko dirua biltzeko. Azkoitian bertan, azken txanpa beteko du Iraurgiren Garagardo Azokak.

Asteburu bete-betea du aurretik Iraurgi Saskibaloiak. Juaristi ISBk bihar 20:00etan jokatuko du Zilarrezko LEB ligako azken partida, Azkoitian. Lolo Encinasen taldeak liga ederra borobiltzeko aukera du, orandik igoerako kanporaketak jokatzeko aukera duen Girona talde indartsuaren aurka.

Neurketa horre atarian, Juaristi babeslearen otsokume pelutxeak salduko dituzte, AVAIM GKEaren aldeko dirua biltzeko; haurtzaroan tratu txarrak jasotakoei laguntzen dien elkartea da AVAIM. Pelutxeak 10 euroren truke erosi ahal izango dira. Gainera, denboraldia behar bezala agurtzeko, Iraurgik ate irekien eguna izendatu du biharkoa, eta sarrera erabat doan izango da.

Bestetik, partidaren ordu berean hasita, Iraurgik antolatutako Garagardo Azokak aurten azken aldiz irekiko ditu ateak Azkoitian bertan, plazan.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu