Sammic ISB aurrena da ligan eta Añaresek ezin irabazita jarraitzen du

Erabiltzailearen aurpegia

Sammic ISBk 76-80 irabazi zuen Leonen, eta aurrena da ligan Cambados eta Lucemtumekin batera. Añares ISBk, berriz, ezin izan zuen denboraldiko hirugarren garaipena lortu, etxean Juventut Les Corts taldearen aurka 69-80 galduta.

Zapatuan, azaroaren 5ean, jokatu zituzten asteko partidak Sammic Iraurgik eta Añares ISBk. Sammic-ek ligako bosgarren garaipena lortu zuen Leonen, 76 eta 80 irabazita. Garaipen horrekin Sammic sailkapeneko lidertzan da, Cambados eta Lucemtumekin batera.

Neurketa oso parekatua eta borrokatua izan zen. Markagailuan alde txikiak, defentsa zorrotzak eta tentsio handia izan ziren. Joe de Ciman berriro ere bikain aritu zen, eta 27 puntuko balorazioa lortu zuen. Maiza, Dezelski eta Karena ere maila onean aritu ziren.

Añares ISBk ezin irabazi

Juventut Les Corts taldearen aurka 69-80 galdu zuen Añares ISBk. Ondo hasi zuen partida Añaresek, eta 10 punturen aldearekin bukatu zuten aurreneko laurdena. Sentsazio onekin ekin zieten berriro lehiari, baina Juventut Les Cortseko jaurtiketa guztiak barrura sartu ziren, eta Añaresi asko kostatu zitzaion aurrea hartzea. Hirugarren laurdenean ere katalanak hobeak izan ziren, eta beste 6 puntuko aldea lortu zuten. Gehiegi izan zen Añaresentzat, eta laugarren zatian asko saiatu zen arren, 69-80 galdu zuen.

Denboraldiko hirugarren garaipena lortzea asko kostatzen ari da, baina taldeak ez du burua makurtuko eta lanean jarraituko du gogor.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide